Benvidos á paxina web de Galiza Nova

Baixo o lema Mulleres en marcha ata que todas sexamos libres, mulleres de todas as partes do mundo participarán da III Acción Internacional organizada pola Marcha Mundial das Mulleres. Entre o 8 de marzo e o 17 de Outubro de 2010 terá lugar esta actividade en diferentes lugares dos cinco continentes, para que a voz das mulleres sexa escoitada en todo o mundo. En Galiza este acto terá lugar o vindeiro sábado 13 de marzo en Compostela e a el achegaranse persoas desde todos os puntos do país. Galiza Nova, como organización integrante da MMM, apoia este acto e anímate a participar da súa programación, a cal podes consultar a continuación:

16:30-17:45 hrs: Chegada en tren a Compostela desde todas as localidades.

18:00 hrs: Marcha reivindicativa desde a Estación de Trens até a Praza de Cervantes.

18:30 hrs: Festa na Praza de Cervantes, coa presentación das “Marchantas”, merenda e a actuación de Churra e Merina Supervedettes.