Benvidos á paxina web de Galiza Nova

Baixo este lema Galiza Nova lanza unha campaña coa que reivindicamos a oficialidade para as nosas seleccións deportivas, ante a supresión do partido da selección galega de fútbol por parte do actual goberno do PP na Xunta de Galiza. Dende a nosa organización temos claro que esta medida responde a unha estratexia do Partido Popular  de anular politicamente a nosa nación en todos os ámbitos, ben sexa o lingüístico, o cultural ou o deportivo. Ante esta medida Galiza Nova, quen xunto co conxunto do nacionalismo galego sempre defendeu o noso dereito a contar con seleccións deportivas propias en todas as disciplinas e que foran recoñecidas oficialmente, non vai ficar parada. Por isto, ao longo dos vindeiros días sucederanse actividades en todas as comarcas da nosa nación para reivindicarmos os nosos dereitos deportivos.