Benvidos á paxina web de Galiza Nova

Como xa vos anunciamos, Galiza Nova estivo a distribuír rifas coas que sorteamos unha cesta anticrise de produtos galegos. O sorteo tivo lugar no marco do Festigal, o pasado domingo 25 de xullo, resultando premiada a rifa co número 1874. Desta volta foi un mozo do Grove quen se achegou ata o posto de Galiza Nova para amosarnos a rifa premiada e quen desfrutará desta cesta para a cal contamos coas donacións de diversas marcas galegas, entre as que se atopaban Adegas Casal Novo, Señorío de Roblido, amendoados O Forno do Tomás (Allariz) ou Froitas León.